今日午餐有 「大渣樂」 焗豬扒飯
冇摷咩食譜，只是按由細食到大嘅味覺找調味，調味料好複雜 🙈🙈🙈 有鹽同糖 🙊🙊🙊就係咁多 😂😂
是旦啦求其「大渣樂」焗豬扒飯食譜
材料 ～～ 至緊要新鮮
1、豬扒，按食量自行加減，用有骨梅頭扒，早兩日買唔使揼，返屋企就咁放入冰箱雪，千祈咪洗，第二日攞出嚟解凍
2、洋蔥半個，甘荀一條，番茄兩個，乾蔥兩粒，蒜頭一粒，茄乾一片（可不用）
3、蛋一隻至多隻，按飯量增加
造法 ～～ 煮開飯唔睇都識
A、早一日自己醃豬扒，平時自己點醃就點醃。
B、洗米煮飯，飯煮好就舀出嚟吹涼放水氣。
C、跟手開始煮汁，按圖示次序（由圖3起）炒炒炒👇👇👇加咗番茄同洋蔥回鑊後加鹽糖炒，加水煮👇👇👇煮煮煮埋獻煮杰啲。
D、炒飯：油👉蛋👉放咗水氣嘅白飯👉鹽👉炒炒炒👉👉黃金蛋包飯完成👌👌放入焗盆
E、到主角出場：煎香佢，煎熟可切件可唔切，切咗食時只是冇咁呢Hea，但風味減低咗，但我懶 ～～ 切😅，放到飯面。
F、淋上煮好嘅茄汁，加上好多 mozzarella 同 parmesan，200度燒烤mode10分鐘
Search